Writing from Laugarvatn, Kópavogur and Reykjavík

Keep On Roolin Soldier

Fri, 09 Mar 2007 01:00:12 GMT

Jæja þetta gengur ekki svona mikið lengur, ég er mættur!

Kjeppinn er mættur...

Það er á nógu að taka á næstunni, er búinn að vera að kafna úr verkefnavinnu í skólanum og fleira. Ég er hættur hjá Ægi nenni ekki að standa í því að vera þarna í Þorlákshöfn, hef því í stað hafið æfingar með KF Berserkjum sem er nýtt lið á vegum Víkings úr Reykjavík og er þeim ætlað að leika í 3.deildinni næsta sumar, spennandi kostur og þjálfarann ætti maður nú að þekkja en það er enginn annar en hann Stjáni sem að þjálfaði mig í mörg ár hjá Þrótti þegar að ég var yngri.

Ótrúlega mikið skemmtilegt framundan, nefni eitthvað af því:

-Árshátíð hjá Kennó á morgun Föstudag

-Skíðaferð á Akureyri, já maður verður í góðu yfirlæti í Hlíðarfjalli alla næstu viku með skólanum, maður hatar það ekki

-Svo er árshátíð hjá Kópavogsbæ 17 mars, þar sem ég mæti ásamt leikskólanum og ef það verður jafn skemmtilegt og í fyrra þá græt ég ey

-Svo erum við Erla mín að fara til Danmörku í páskafríinu og verðum þar í heila viku, það verður magnþrungið

Gaman að segja frá því að fimleikarnir eru núna alveg búnir og náði kjeppinn að sjálfsögðu, heljarstökk og yfirslag er bara barnamál. En samt skemmtileg íþrótt eftir allt saman.

Núna er það bara helvítis sundið sem er að plaga mig, ég verð nú að fara að æfa mig, það styttist alltaf meira og meira í þetta blessaða próf. Svo verður maður að fara að læra þennan marvaða almennilega, hver kann hann upp á 110%?

Ég verð nú að nefna það að Liverpool liðið mitt eru algjörar hetjur, það slær ekki hvaða lið sem er Barcelona út úr Meistaradeildinni.

-You'll Never Walk Alone-Where Were You In Istanbul???

Núna fer maður að reyna að halda síðunni aðeins við, veit að ég hef sagt þetta ansi oft en ég ætla að reyna núna! Síðan er allavega komin með spá facelift.

Sjáumst On The Wild Side

Jakob Leó Bjarnason

Fúsi 18

Thu, 08 Feb 2007 12:35:26 GMT

Come Back Come Back Come Back!

Þetta er það eina sem að ég heyri um þessar mundir, ég heyri þetta á nóttunni í svefni, hreinlega allir að biðja Kobinho um Come Back enn og aftur í bloggbransann!

En allavega þá er ég hérna og hvað minnst dauður úr öllum æðum, sprelllifandi á Laugarvatni nýkominn úr körfubolta, þar sem ég maður setti upp glæsilega sniðskotaæfingu af miklu harðfylgi. Annars þá er þetta sund alveg að fara með mann og svo var seinni áfanginn af fimleikum að byrja og þar þurfum við fallega fólkið á Laugarvatni að geta farið í heljarstökk og yfirslag, það er ekkert annað segi ég en hlæ samt af því og kalla það þriðjudaga, RÚST!

Ákvað að skella mér bara í pásu frá öllu djammi, það var búið að vera stíft prógram undanfarið og ástandið á mér síðasta Laugardag og hvað þá daginn eftir var bara ekki manneskju bjóðandi, þannig að pása og allir brosa.

Við Ægisbræðurnir höfum ekkert verið að mæta á æfingar hjá Ægismönnum að undanförnu, aðallega vegna leti og anna, mikið að gera hjá tjöppunum.

Og það er búið að kaupa mitt ástkæra félag Liverpool Football Club, í fyrstu leyst mér ekkert á það þar sem það voru tveir Bandaríkjamenn sem festu kaup á stórveldinu en þetta virðast vera ágætis kallar sem lofa einni stórstjörnu fyrir hverja leiktíð, hljómar allavega vel!

En allavega ef þið viljið meira blogg þá bara skiljiði eftir ykkur stuttan og fallegan texta í minn garð, later folks!

P.s. Allir að mæta á Þróttur-Valur í kvöld, stálin stinn og Þróttarar með fullt hús stiga. Birkir Már Sævarsson mun eiga erfitt í skólanum eftir útreiðina!

Kobiashvili Kveður

Secretario

Tue, 23 Jan 2007 00:29:15 GMT

Jæja þá, nýtt ár gengið í garð eins og flestir hafa kannski tekið eftir!

Skólinn kominn á fullt, við erum til að mynda byrjuð í sundi sem er ekki það skemmtilegasta í heimi verð ég að viðurkenna og svo verður ýmislegt upp á teningnum á þessari önn, eins og t.d. dans.

En nóg um það, lífið gengur bara sinn vanagang og ég er í skólanum alla daga nema Föstudaga og þegar að ég er ekki í skólanum þá vinn ég eins og dugnaðarforkur á Leikskólanum, semsagt á Föstudögum.

Ég og Erla skelltum okkur á Footloose síðasta Fimmtudag og mér líkaði bara mjög vel. Við fórum reyndar þar síðasta Laugardag en þá hafði mín eitthvað ruglast á dagsetningunni en það reddaðist allt að lokum og við fengum bara miða á Fimmtudeginum í vikunni á eftir.

Ég var að horfa á að ég held bara rosAlegastA handboltaleik sem að ég hef á ævi minni séð. Ég er svo stoltur af strákunum og bara að vera Íslendingur yfir höfuð.

Og þarf ég eitthvað að nefna Enska boltann um helgina, 2-0! Ég er svo ánægður með strákana mína úr bítlaborginni. Núna eru bara 11 stig í toppinn!

Fuck Off Mourinho

Kveð í bili, Kobbi!

Áramótaannáll

Sun, 31 Dec 2006 17:51:53 GMT

Jæja, langt síðan að ég hef látið í mér heyra. Ég er bara búinn að hafa það náðugt í jólafríinu hef verið að vinna á leikskólanum og svona.
En allavega þá ákvað ég að taka til smá annáll af árinu sem er nánast liðið, árið 2006.

Hérna kemur það:

Í byrjun árs 2006 ákváðum ég og vinur minn hann Golli að skella okkur til Möltu í málaskóla þar sem við vorum báðir komnir með ógeð á klakanum á þessum tímapunkti, fyrst var stoppað í London í nokkra daga. Þetta ævintýri er eitt það skemmtilegasta sem að ég hef gert!

Ég tók þá ákvörðun að hefja störf á Leikskólanum Dal eftir mikla umhugsun, enda laun starfsmanna á leikskólum landsins ekkert til fyrirmyndar. En sé alls ekki eftir því í dag þar sem þetta er eitt skemmtilegasta starf sem ég hef unnið við.

Tók þá ákvörðun snemma árs að taka fram knattspyrnuskóna á ný og spila með Létti í 3.deildinni síðasta sumar, skrifaði undir félagaskipti úr mínu ástkæra félagi Þrótti til Léttis. Léttismenn voru nýliðar í deildinni og því ekki hægt að búast við miklum árangri. Fótboltasumarið og veturinn var mjög skemmtilegt þrátt fyrir slakan árangur, en fyrst og fremst skemmtilegt að spila bolta aftur.

Því næst var ákveðið að halda út í óvissuna og skella sér til Tyrklands. Þar vorum við Erla í góðu yfirlæti í allt að 50 stiga hita sem var geðveiki. Og svo komu Klara og Jommi seinni vikuna en við Erla vorum í 2 vikur. Þetta var mjög skemmtileg ferð.

Þegar að við vorum nýkomin heim þá var haldið til Vestmannaeyja á Þjóðhátíð og var þar mjög skemmtilegt.

Og síðast en ekki síst þá má ekki gleyma því að ég hóf Háskólagöngu mína þegar að ég hóf nám við Íþróttakennaraháskólann á Laugarvatni. Núna er ég búinn með mína fyrstu önn þar og hefur mér gengið vel og þetta er búið að vera með því skemmtilegasta sem að ég hef gert. Það er einfaldlega bara ólýsanlegt að vera þarna og ýmislegt að gerast.

Og ekki má gleyma tímunum á liðnu ári þegar að maður skemmti sér með félögunum og vinum.

(Ég vill þakka ZAK WHITBREAD fyrir árið)
Þegar að uppi er staðið þá hefur þetta verið mjög skemmtilegt ár. Þakka öllum mínum vinum og vandamönnum fyrir árið sem er að líða og óska ykkur öllum gleðilegs árs.

Nýárskveðja
Jakob Leó

"djöfull er létt að setja þessa þrista"

Tue, 05 Dec 2006 16:46:29 GMT

Já það er kominn tími á bloggfærslu, það hefði ég haldið!

Prófin dottin í gang og strax eitt af tveimur búið, sem sagt eitt eftir. Ég fór sem sagt í próf í gær í Hreyfingu og Íþróttum barna hjá honum Tóna B og það gekk bara vel að ég held. Svo er næsta og síðasta prófið bara næsta mánudag og það er í Vöxtur og Þroski og það verður sennilega mun erfiðara þannig að ég þarf að vera duglegur að lesa þetta yfir en það er bara ekkert grín að lesa þessa ensku.

Sóley leikskólastýra á Dal hringdi í mig í dag og ég er búinn að ráða mig í vinnu um jólin á leikskólanum, það verður án efa fínt enda finnst mér mjög svo gaman að vinna þarna með þessum gríslingum og svo er vinnutíminn frábær.

Átti afmæli síðasta Fimmtudag og fékk margar fallegar hamingjuóskir og þakka ég fyrir þær allar. Afmælisdagurinn sjálfur var rólegur og góður, matarboð og svoleiðis. Svo fórum við Erla út að borða á Laugardaginn sem var mjög huggulegt allt saman.

Ég er kominn með MySpace síðu þannig að ég hvet alla til að kíkja á hana, www.myspace.com/kobinho

Veit að ég á að vera að lesa en það er alltaf þannig að maður finnur sér eitthvað skemmtilegra að gera og ég datt í það að lesa bloggfærslurnar mínar frá Möltu í fyrra og ég verð að viðurkenna að ég skemmti mér ágætlega við lesturinn enda skemmtilegur penni þarna á ferðinni. Ef þið viljið kíkja á þetta þá er þetta allt hérna í gamlar færslur undir Janúar og Febrúar 2006.

En hver man ekki eftir dagskrálið sem að ég var einu sinni alltaf með eða tvífara vikunnar, ég hef ákveðið að endurvekja þessa snilld enda kominn í smá jólaskap og er það allt komið undir tvífarar vikunnar neðst vinstra megin hérna á síðunni.

Tvífarar þessarar viku eru:
Goll Bon Movi og Jason Biggs(American Pie)

Toni Kukoc kveður, þarf að fara að setja nokkra þrista!

Kveðja frá Króatíu, Toni Respect...

Beer and Fun og "grái fiðringurinn"!

Wed, 29 Nov 2006 19:25:49 GMT

Eða Football and Fun eins og hann Rafal kallinn var vanur að segja, Liverpool-Portsmouth í kvöld og Jólabjór...
Og afmæli á morgun þannig að það er stemming í kofanum!

Ég get svo svarið það að hann faðir minn er með gráa fiðringinn!!!

Com On You Reds!

LATER

Tvífarar vikunnar!

Wed, 29 Nov 2006 19:12:52 GMT

Zæmó

Mon, 20 Nov 2006 10:24:50 GMT

Já góðan daginn

Þið spyrjið ykkur eflaust að því hvar ég hef verið?
Staðreyndin er hinsvegar sú að þessari spurningu er ekki auðsvarað, sannleikur málsins er hinsvegar sá að ég hef verið hér og þar og allsstaðar, til skiptis úti á landi og í bænum!
Það er hinsvegar ekki ástæðan fyrir bloggleysi mínu, hún er sú að ég hef einfaldlega bara ekki nennt því. Spurningin er hvort að ég sé kominn með ógeð á þessu og nenni þessu ekki lengur eða sú að ég er bara einfaldlega latur.
Svo að ég svari nú sjálfur þá tel ég fyrri kostinn nær sannleikanum, en auðvitað þá er ég hvergi banginn og ætla sko ekki að leggja pennann á hilluna, eins og ég segi þá get ég ekki hugsað mér að bregðast aðdáendum mínum, það er AÐAL ástæðan fyrir áframhaldandi lífi þessarar síðu.
Hinsvegar þið þarna úti sem að teljið ykkur vini mína og ætlið bara að fylgjast með mér með því að skoða þessa síðu mína og sleppa því að hitta mig eða tala við mig, skamm. Ég ætla ekki að gera ykkur til geðs að segja ykkur frá því sem að gerast í lífi Kobinho.

Ýmislegt hefur drifið á daga mína í haust og vetur. Ég segi ykkur kannski frá einu og einu í "opinni dagskrá" en er að spá í að fara að selja áskrift að hinum pakkanum, semsagt öllu því sem gerist hjá borgarbarninu/sveitarstráknum.

En allavega hér kemur "opna dagskrá" vikunnar:
Síðasta Laugardag(11.Nóv) var haldið smá reunion partý hjá 4-C, það var mjög skemmtilegt og allir hressir.

Síðasta Fimmtudag kíkti Íþróttaakademían í heimsókn á Laugarvatn og kepptu við okkur í hinum og þessum íþróttagreinum og þess ber helst að geta að við Laugavetningar tókum það allt.
Svo var gleðskapur um kveldið og Gilzinn lét sig sko ekki vanta og átti kósý tíma með Kjarranum eða Prime eins og hann kýs að kalla sig.

En allavega þá er áskrift hafin í kommentakerfinu.

Kobiashvili kveður...Lifið heil!

(Mynd birt með góðfúslegu leyfi Gunni.net)

Luis Garcia He Drinks Sangria

Wed, 01 Nov 2006 14:04:49 GMT

Liverpool-Bordeaux 3-0

Komnir áfram í 16-liða úrslitin, eru Liverpool að ganga á eftir dollunni aftur eftir að hafa lánað Barcelona hana í eitt ár? Án efa!!!

Fimleikaprófið STAÐIST

Jakob Leó Bjarnason

Zagorakis

Mon, 30 Oct 2006 21:34:35 GMT

Jæja, hvað segir fólkið?

Ég er ágætur, kominn í skólann en hann byrjaði ekki fyrr en um eitt leytið í dag og svo er maður bara búinn að vera að æfa sig örlítið og slaka á í pottinum enda mikilvægt fimleikapróf á morgun, pínu stress í gangi og allar óskir um velgengni eru vel þegnar.

En allavega róleg helgi að baki, allir þeir sem eiga eftir að sjá kvikmyndina Departed sem var að koma í bíó eiga að skella sér á hana undir eins. Er að ganga frá kaupum á bíl, Volkswagen Polo, þannig að maður er að komast í hóp bifreiðaeigenda.

En allavega þá er bara allt rólegt um þessar mundir, kem með eitthvað skemmtilegt bráðum.

Fimleikakappinn kveður!

Tvífarar vikunnar!

Wed, 25 Oct 2006 19:01:39 GMT

Ludacris & Steven Pienaar?

Rennis Dodman

Tue, 24 Oct 2006 18:21:27 GMT

Takk fyrir kærlega fyrir takk og sælar verið þér fallega fólk!

Ég heilsa ykkur núna í þessum töluðu orðum frá Laugarvatni sem er höfuðborg suðurlands.
Helgin var mjög fín, hún byrjaði reyndar á því að kallinn þurfti að bruna á Selfoss í hádeginu til þess að kenna 7 ára stúlkukindum fimleika (Kollhnísa og allskonar magnþrungið efni). Svo þurfti ég að passa á Föstudagskvöldið þar sem gamla settið skellti sér á Mýrina og svo var Erla að vinna Föstudagsnóttina.
Laugardagurinn byrjaði SNEMMA þar sem ég var mættur um 9 leytið niður á Ásvelli til þess að fylgjast með Íþróttaskóla barna hjá Haukunum.
Því næst var Smáralindin tekin á þetta með My Name Is Earl (Erlu) þar sem við splæstum í dýrindis afmælisgjafir handa Hörpu og Beggu. En við tækluðum einmitt afmælið þeirra um kvöldið og síðan var það bara bærinn og kallinn í "Comfortinu" (Southern Comfort), það klikkar ekki frekar en fyrri daginn.
Sunnudagurinn fór í þynnku, Pizza Hut og Bíóferð á Mýrina með Þorkeli. Mýrin er rosalega góð mynd og með betri íslenskum myndum sem að ég hef lagt mín augu á. Það var hinsvegar svaka röð inn í salinn og það hef ég aldrei séð áður, enda troðfullt á nýjustu ræmuna hans Balta.

En allavega ný skólavika hafin, vildi bara láta smá frá mér heyra...

Kallinn kveður, Adios Amigos...

Vissuð þið að:
Liverpool eru að skíta á sig þessa dagana.

P.s. Keypti FM 2007 á Föstudaginn, hann er fokking snargeðveikislega góður!

Gimnastica

Fri, 20 Oct 2006 00:22:16 GMT

Sælar, nú ætla ég að reyna að vera duglegur og fara að blogga svolítið oftar og gera þetta almennilega, til hvers að vera að einhverju ef maður geri það ekki almennilega.

Satt best að segja þá hefur maður ekki haft neinn rosalegan tíma í þetta blogg undanfarið, maður var jú að byrja í nýjum skóla og hefur verið að aðlagast breyttum aðstæðum og sveitinni, einnig hefur verið mikið að gera í skólanum að undanförnu en í augnablikinu virðist þetta vera svona nokkuð dautt og það lítur allt út fyrir það að maður fái frí helgi, síðustu tvær helgar hefur maður verið að læra undir próf eða gera ritgerðir.

En anyways þá er ég bara í bænum núna, þarf reyndar að fara á Selfoss í hádeginu á morgun því minn hópur á að kenna litlum krílum í fimleikatíma og svo er annar hópur sem ég er í að fara á Ásvelli á Laugardagsmorgun til þess að fylgjast með íþróttaskólanum hjá Haukum.

Það lítur allt út fyrir að það verði djúsað um helgina og finnst mér það alls ekki leiðinlegt, Harpa og Begga ætla að halda upp á afmælin sín saman heima hjá Beggu og það verður án efa mössuð stemmning.

Við skelltum okkur nokkrir meðlimir Transformers á Selfoss í gær að horfa á Champions League, nánar tiltekið Chelsea-Barcelona. Væntingarnar til leiksins voru fínar og þau leyndu sér ekki vonbrigðin eftir leik, ég held að ég hafi aldrei séð Barcelona svona lélega síðustu 5 árin. Til hvers var Deco inná? Þeir hefðu spilað betur einum manni færri.
Mínir drengir í Liverpool stóðu sig samt ágætlega og gerður það sem þurfti og tóku 3 dýrmæt stig á útivelli, semsagt af Bordeaux í Frakklandi. Peter Crouch með eina mark leiksins með "Sensational" skalla, flottööör.

Það var ekki fleira í bili, kem með eitthvað scoop á næstunni...

Látum Peter eiga lokaorðið, take it away buddy...

Vissuð þið að:
Roman Abramovich er á Íslandi sem fylkisstjóri frá Síberíu að skoða hvernig Íslendingar vinna stál og stunda fiskveiðar svo eitthvað sé nefnt.

Teemu

Thu, 12 Oct 2006 12:56:28 GMT

Nei góðan daginn, gamli skrifar...

Váá hvað það er langt síðan að ég skrifaði síðast, ég verð að viðurkenna að ég hugleiddi að hætta öllum bloggskrifum en eftir að ég hef lagt hausinn mikið í bleyti þá er ég ákveðinn að halda áfram enda bloggari Íslands. Líka þar sem maður er búsettur úti á landi þá verðið þið nú að fá að fylgjast með mér greyin mín, reyndar bý ég eiginlega á þremur stöðum sem er mjög sniðugt allt saman.
Hvað hefur gerst síðan síðast, hvað skólann varðar þá er búið að vera svolítið um djamm enda geta Laugvetningar ekki verið þekktir fyrir neitt annað. Kennaraháskólinn úr RVK kom á Laugarvatn einn Föstudaginn og var þar svaka húllumhæ, allir í búningum og svaka stuð og svo var ball um kvöldið.
Uss já ég má ekki gleyma kallaferðinni en þá fóru allir strákarnir úr skólanum saman í rútu og við busarnir vorum teknir fyrir. Menn voru t.d. látnir:

Stúta heilum bjór í "einum" sopa í rútunni
Látnir pissa eins og stelpur sitjandi í Mosfellsdalnum
Látnir keppa á móti hvorum öðrum á einhverri Fitness-braut í Mosó
Svo var farið með okkur í sundhöllina þar sem hver og einn busi var látinn standa á stól í kaldri sturtu og fékk hver og einn 5 högg/flengingar og ég var sérstaklega slæmur alveg blár og marinn.
Svo var farið með okkur á Players þar sem við fengum pezzur og menn fóru á barinn, svo var bara haldið heim á Laugarvatn þar sem partýið hélt áfram.

Ég gerði þau misstök að sofna og vaknaði því með þeim ósköpum að búið var að raka í hausinn á mér, ekki falleg sjón en svona er þetta.

Annars er búið að vera brjálað að gera í skólanum próf og ritgerðir og fleira. Það fer reyndar að róast núna í næstu viku sem betur fer. Annars fékk ég einkunnina úr prófinu á Þriðjudaginn og fékk maður bara 8,5 og 8, ég er bara mjög sáttur við mína fyrstu einkunn í Háskóla.

Svo þurfti maður auðvitað að lenda í þeim óskunda í fótbolta um daginn að misstíga sig svo illa að ég teygði á liðbandinu og sleit einhverja æð og var svo bólginn að það var eins og ég væri með tennisbolta á ökklanum, sniðugt ég veit. Þannig að ég er búinn að vera frá núna í 2 vikur, vonandi fer maður að geta hreyft sig eitthvað af viti aftur.

Sáuði landsleikinn, shetturinn tetturinn mellan og hóóraaan. Afhverju fellur aldrei neitt með okkur Íslendingum, djöfulsins óheppni alltaf hreint. Við sýndum í gær að Letta leikurinn var auðvitað bara lélegasta frammistaða hjá Íslensku landsliði í háa herrans tíð.

P.s. búinn að setja allar myndirnar inna aftur, skipti bara um myndasíðu. Kannski að maður fari að koma með eitthvað nýtt í myndahornið, hver veit.

En allavega þá er kallinn farinn að læra fyrir lokapróf í Sálfræði sem er á Mánudaginn, verð að ná þessu hellídi!

Kobinho segir Adios og biður ykkur vel að lifa, sælar!

Manstu

Thu, 14 Sep 2006 20:38:05 GMT

Nei góðan daginn...Long time no see, þetta gengur ekki svona lengur!

Ýmislegt búið að gerast síðan síðast, skólinn er byrjaður og er hann alveg helvíti fínn, búið er að busa okkur og svo erum við einnig búin að fara í heljarinnar tveggja daga göngu sem var alveg þrælmögnuð allavega svona eftir á að hyggja.

Maður er auðvitað búinn að fá “roomie” og hann er alveg helvíti fínn, maðurinn er reyndar hættulega líkur Steve The Pirate en það er bara ekkert annað en gott.

Busunin var helvíti góð, allir helvíti góðir á því og vel í því. Það byrjaði nú þannig að ég, Árni(Steve The Pirate) og Höddi a.k.a. Hudson Bay fórum á Selfoss og keyptum okkur allir kassa af beer og svo hófst bara skemmtunin við vorum öll sett í eitthvað lítið herbergi þar sem við fórum í nafnaleiki ekki í fyrsta skipti hehe og svo vorum við öll teimd út eftir góða stund en með bundið fyrir augun þar sem við vorum látin skríða á hnjánum upp í matsal(fór ekki vel í hnén) og þar vorum við öll sett í hring og fengum staup af eplasnafs og svo var ein dýrategund hvísluð í eyrað á öllum og það vorum nokkrir sama dýrið og við auðvitað með bundið fyrir augun og máttum bara gefa hljóð okkar dýrs frá okkur og áttum að finna okkar hóp.

Þegar að það var komið þá hófst kapphlaup ásamt hlaupum og mikilli bjórdrykkju sem fór misvel í fólk. Það er skemmst frá því að segja að strákarnir áttu að fara úr nærbuxunum og stelpurnar úr brjóstarhöldurunum á leiðinni og einn strákur og ein stelpa úr hverjum hópi áttu að skipta um föt.

Svo þegar að komið var á endastöð þá var maður látinn krjúpa á hné og drekka eitt glas af vatni úr Laugarvatni og þar með vígður inn í skólann.

Þegar að inn var komið fengum við nú nærbuxurnar en þá var þetta ekki búið því við vorum hvert eitt og einasta látin fara upp á svið fyrir framan alla eldri bekkinga skólans og hvort annað bara á nærunum og vorum láta kynna okkur: nafn, hvaðan maður kemur, hvað maður er gamall, íþrótt og svo hjúskaparstaða.

Þetta var bara gaman og verður í minnum haft væntanlega eitthvað áfram.

Lagt var af stað í gönguferð 4 Sept Mánudag að morgni og komið heim 5 Sept Þriðjudegi um þrjú leytið. Ég verð að segja að þetta var miklu erfiðara og lengra en ég bjóst við en ég held að þetta hafi skotið flestum skelk í bringu en við gengum með áttavitana okkar og 70 lítra bakapokana í tæpa 6 og hálfa klukkustund inn eftir en þegar að þar var komið þá þurfti auðvitað að vaða yfir ána sem að var á milli okkar og tjaldsvæðisins, áin var ÍSKÖLD og það var ógeðsleg rigning alla leiðina inn eftir. Maður var mjög feginn þegar að við vorum komin og hvað þá yfir ána.

Það var svo blautt og rigningin ætlaði ekki að stoppa og maður var nú ekki með mikið af aukafötum en gat þó bjargað sér og blautir skór og maður þurfti að sofa í blautu tjaldi í hálf blautum svefnpoka þannig að maður var feginn að fá að leggja af stað heim morguninn eftir.

Það voru fjórir saman í hverjum hópi og átti hver hópur að rata heim saman, fengum bara að hafa áttavitann í miðjum óbyggðum (það var semsagt kennari með okkur í för á leiðinni inn eftir en hann hjálpaði okkur þó ekki). Það hafðist þó á tæpum 3 klukkutímum sem er bara mjög gott, fundum göngubrúnna yfir ána og það var mikill léttir get ég sagt ykkur. Maður var pirraður á köflum en þó var þetta frábær skemmtun eftir á að hyggja hehe. Fyrst og fremst reynsla í bankann og góð útivera í skemmtilegum hópi.

Þetta er ágætt í bili held ég og ég kem bara með meira fljótlega en kveð þó í beleee...

Sææælar!